Mafi Yawancin Hausawa munafukai ne - Inji Nafisa Abdullahi

Shahararriyar jarumar nan ta dandalin shirya fina-finan Hausa wato Kannywood, Nafisa Abdullahi ta wallafa wani hoto na tauraruwar kasar Indiya, Deepika wanda hoton ya nuna tsiraicin jarumar. 

Nafisa ta wallafa wannan hoto ne dai domin taya jarumar fim din Indiyan murnar zagayowar ranar haihuwarta, inda ta kuma kara da cewa da gangan ta sanya hoton da ta san sai wasu sun tofa albarkacin bakin su. 

Hakan kuwa bai hana mutane tankawaba, inda wani ya bayyana cewa ta aikata hakan a banza, inda Nafisa ta maida masa da martanin cewa shima kuwa taga yana yiwa wasu jarumai da yakeso abubuwa a dandalinshi shima a banza. 

Wani da ya mara ma jarumar baya akan wannan al'amari yace, "Hausawa akwai munafurci wallahi, idan bakwason irin wadannan abubuwa daga gurin masu nishadantarwa to kawai a daina nishadantar daku, domin ita harkar nishadantar da mutane abinda ta kunsa kenan".